Martín Rey contribúe ao triunfo da selección española na Carreira da Paz

A estrea de Martín Rey coa selección española Sub-23 acabou en celebración. O vilagarcían e o resto de corredores do combinado estatal festexaron a vitoria do valenciano Pau Martí na xeral da Carreira da Paz, proba de catro días disputada na República Checa e pertencente á Copa das Nacións da Unión Ciclista Internacional (UCI). O ciclista do Padronés Cortizo contribuíu co seu traballo á conquista da camisola amarela. 

O mellor resultado individual do arousán foi o da primeira etapa, ao rematar 37º na liña de meta de Sternberk. O equipo dirixido polo seleccionador Pascual Orengo apostou dende o inicio desta prestixiosa proba por Pau Martí como xefe de filas e tivo que asumir o control do pelotón na última tirada despois de que o corredor do Israel Premier Tech Academy se vestira de líder na véspera. Logo dun sensacional labor colectivo, Martín Rey concluíu no posto 60 da xeral. 

Máis información