Convocatoria da Selección de Galicia para a V Challenge Cadete Provincia de Salamanca

A falta dun mes para a celebración do Campionato de España en Tarazona de la Mancha (Albacete), a Selección de Galicia Cadete afronta un importante test. Durante esta fin de semana, sábado 7 e domingo 8, o combinado autonómico de Estrada participará por terceiro ano consecutivo na Challenge Provincia de Salamanca. A convocatoria confeccionada polo seleccionador Jacobo Ucha compóñena cinco corredores:

Lucas Blanco Mosquera (Cambre La Fuga)

Héctor Rodríguez Saqués (Cambre La Fuga)

Aarón Rodríguez Arenas (Lynalfa Ponteareas)

Breixo Cochón Justo (Poio Bike)

Marco Nuñez Charlín (Ribadumia Tecnogalicia)

A quinta edición desta rolda consta de dúas xornadas de distancia similar. A primeira proba, con saída en Moriscos e chegada en Villares de la Reina, presenta 59 quilómetros de percorrido  destacando a subida en sterrato da Ermita do Viso. O día seguinte, entre Las Veguillas e Sequeros completaranse 56 km destacando o final en alto da Ermita del Humilladero que conta con rampas superiores ao 13%