Susana Alonso e Diego Álvarez anótanse a Transgalaica da Estrada

A Estrada acolleu este domingo a terceira proba da Transgalaica, unha competición que reuniu a uns 300 ciclistas. Diego Alonso (V Bikes), gañador xa das citas de Cerdedo-Cotobade e Ames, e Susana Alonso (Extol) foron os primeiros clasificados

Diego Alonso foi o gran dominador da carreira masculina, prolongando así a súa hexemonía na Transgalaica deste ano. O vencedor completou o percorrido en dúas horas e 53 minutos, superando en case dous minutos e medio ao segundo, Brandán Márquez, vencedor na Estrada na carreira o ano pasado. O podio masculino completouno Diego Rey, seguido do dezán do RG Bikes Team, Esteban Sánchez, primeiro entre os Máster 30. Entre os Sub-23 o mellor foi Iván Belmonte, quinto en meta. Diego Alonso segue por suposto liderando a clasificación xeral da Transgalaica con dúas probas por celebrarse, a de Silleda –o día 23 de abril– e a de Cabeza de Manzaneda.

En canto á categoría feminina, Susana Alonso levou a súa primeira vitoria da temporada na Transgalaica tras o seu segundo posto en Cotobade. A segunda posición foi para Raquel Román, con Cecilia Abal como terceira. Patricia Bacelo, líder a xeral ata esta carreira, foi cuarta.

Na clasificación do futuro gañou Adrián Caamaño por diante de Noe Pérez e Martín Maquieira.

Clasificación

Fonte: Faro de Vigo