Convocatoria da Selección de Galicia para o Campionato de España de Enduro

Comeza a temporada de campionatos de España de BTT. O V Enduro Guilleries será escenario este próximo domingo, 4 de maio, da pugna polos primeiros títulos estatais do ano. A Selección de Galicia dirixida por Eva Castro e a súa man dereita Luis Manovel partiu este xoves rumbo á localidade xerundense de Sant Hilari Sacalm cun equipo formado por dez riders. A convocatoria da Selección de Breogán é a seguinte: 

ELITE MASCULINO

David Fernández Pérez  (Avanza, A.D.)

ELITE FEMININA

Alba Arias García (Ciclos Quintena, C.)

SUB-23 MASCULINO

André Martínez Rodríguez (Avanza, A.D.)

Manuel Loureiro Giráldez (Bici Verde, C.C.)

Raúl Romero Perez (A Forna, A.D.)

Jorge Pérez Cuña (Avanza, A.D.)

Hugo Rosendo Piñeiro (Cerdedo-Cotobade, C.C.)

JÚNIOR MASCULINO

Leo Álvarez Alonso (Pulpeiros Mugardos, C.)

CADETE MASCULINO

Mario Barreiro González (Cerdedo-Cotobade, C.C.)

Miguel Blanco Fernández (A Forna, A.D.)

Esta nova edición do Campionato de España de Enduro desfrutará dun percorrido cunha distancia total duns 30 quilómetros e aproximadamente 1.700 metros de desnivel. Ao longo do venres e o sábado os adestramentos serán libres. A competición dará inicio o domingo ás 8:00 horas e a chegada dos primeiros participantes está prevista que se produza ao redor das 13:00 h. No listado de inscritos aparecen 200 riders. 

Máis información